Започнува судењето за случајот „Мавровски работници”

По седум месеци откако четирите хашки предмети пристигнаа во Македонија, ова е првиот случај кој ќе биде отворен во судница.

Претседателката на судот Добрила Кацарска вчера изјави дека не очекува никакви проблеми и дека Судот е подготвен да постапува по предметите.

Таа најави дека ќе бидат обезбедени сведоците, не исклучувајќи можност на обвинетите да им се суди во нивно отсуство.

Од сите четири случаи вратени од Хаг, само предметот „Раководство на ОНА” сe уште е кај Јавниот обвинител.

Другите два случаја, „Непроштено” и „Липковска брана”, веќе се кај истражен судија, но нема конкретен рок кога би биле завршени истражните дејства.