Спорт Клуб и Арена Спорт ќе емитуваат на македонски и албански јазик

Владата ѝ препорача на Агенцијата за електронски комуникации, како надлежно тело, да формира работна група со релевантни институции и да се најде начин, спортските канали Спорт Клуб и Арена Спорт кои се регистрирани во нашата држава да можат да се емитуваат на македонски/албански јазик.

Ова го соопштија од Владата откако била разгледана и усвоена информацијата за регулирање на јазичното покривање со официјален јазик барем на спортските канали кои се реемитуваат на територијата на Македонија преку јавни комуникациски мрежи.

Агенцијата треба да ја извести Владата во рок од 3 месеци за оваа можност.