Според Робертсон, Македонија подготвена за НАТО

Македонија има право да биде членка на НАТО, затоа што ги исполнува сите услови. Голема штета и скандал е тоа што земјата уште нема покана, изјави Џорџ Робертсон, поранешен генерален секретар на НАТО во вчерашното интервју за емисијата на МТВ „Отворено со народот“.

– Грција има свои причини зошто го блокира процесот, но таа се разбира, како членка на Алијансата може да блокира секакви одлуки во рамки на НАТО. Затоа сега верувам дека и Македонија и Грција ќе покажат флексибилност околу прашањето за името и Македонија ќе стане членка на НАТО, рече Робертсон.

Тој потребата од флексибилност во преговорите ја образложи со предносите што земјата ќе ги добие ако го реши спорот и ако влезе во меѓународните институции.

– Цената за членствто во НАТО е огромна за една земја како Македонија и затоа името, дали е тоа Нова Македонија, Горна Македонија, Северна Македонија и големите историски текови ми се чини не треба да бидат предмет што ќе ја спречи Македонија да биде членка на НАТО, рече Робертсон.

Тој очекува брз компромис за името и влез во Алијансата оти, како што истакна, од тоа ќе имаат корист сите граѓани на Македонија.

{loadposition content9}