Сами ќе решаваме како ќе се користат ИПА фондовите

Одлуката на Европската комисија да и ја пренесе на Македонија надлежноста за управување со ИПА фондовите, е тема на прес конференција, што денеска ќе ја одржи Владата.

На прес конференцијата закажана за претпладнево ќе говорат вицепремиерот за европски прашања Васко Наумовски, вицепремиерот и министер за финансии Зоран Ставрески, како и министерот за транспорт и врски Миле Јанакиески.

„Оваа одлука на ЕК е доказ дека капацитетите на Македонија за децентрализирано управување со ИПА фондовите се зајакнуваат, а со тоа се зголемуваат и обврските и одговорноста на македонските институции и на другите потенцијални корисници на средствата од ИПА фондовите“, соопшти владината прес служба.

{loadposition content9}