Пристигна нова пратка на вакцината на „Фајзер“

Синоќа пристигнаа нови 10.530 дози од вакцината на производителот ,,Фајзер” од кои 5850 се преку директни преговори со производителот, а 4680 дози кои ЕУ ги обезбедува како помош преку трилатерални договори во рамките на програмата „Тим Европа“ (Team Europe), напиша на својот фејсбук профилот министерот за здравство Венко Филипче.

Оваа програма за поддршка во снабдувањето вакцини за Западен Балкан ја координира Австрија. Количините на вакцини постојано се дополнуваат, апелира министерот, сите граѓани да се пријават за вакцинција на www.vakcinacija.mk.