Претседателот Иванов ќе одржи говор на Минхенската безбедносна конференцija

Иванов на маргините на  конференцијата ќе оствари и билатерални средби со високи функционери од повеќе земји на кои ќе се потенцираат сите прашања од сферата на безбедноста и уделот на Македонија во меѓународните мисии.

На 46. Минхенска безбедносна конференција, која почна вчера попладне а ќе трае до утре, учествуваат 300 шефови на држави, влади, високи функционери, опозициски лидери и претставници на организации од целиот свет.

Конференцијата вчера ја отвори претседавачот Волфганг Ишингер, а во воведниот дел говореа и германскиот министер за одбрана Карл-Теодор Гутенберг и министерот за надворешни работи на Кина Јанг Џиечи.

Покрај дискусиите за традиционалните теми како што се трансатлантската и европската безбедносна архитектура, конференцијата се фокусира на безбедноста и стабилноста во поширокиот регион на Блискиот Исток, како и на разоружувањето, контролата врз вооружувањето и нуклеарното разоружување. Ишингер се надева дека ќе добие нови информации за рускиот предлог во однос на европската безбедносна архитектура и за потпишувањето на американско-рускиот договор за намалување на стратешки оружја (Старт 2). Панел дискусиите годинава се фокусираат и на Авганистан и новата стратегија на НАТО.

{loadposition content9}