Претседателот Иванов во кошаркарска еуфорија

Претседателот на Република Македонија Ѓорге Иванов вчера ја прослави победата на македонските кошаркари во натпреварот со Литванија.

Покрај македонскиот Претседател, голем дел од државниот врв славеше на плоштадот „Македонија“ заедно со илјадници граѓани кои спонтано вчера вечерта се собраа да ја прослават историската победа на Македонија и влезот на македонската кошаркарска репрезентација во полуфиналето на Евробаскетот.

Премиерот Никола Груевски, министерката за внатрешни работи Гордана Јанкулоска, градоначалникот на град Скопје Коце Трајановски беа само дел од политичарите ја прославуваа македонската победа.

Точно на полноќ на плоштадот имаше голем огномет, а граѓаните до раните утрински часови продолжија со славењето на градските плоштади низ цела држава.

{loadposition content9}