Препораки за заштита на населението од поплавените региони

Препораките се однесуваат на заштита од заразни болести кои се пренесуваат преку храната и водата за пиење.

-Да се следат информациите за водоснабдувањето и безбедноста на водата за пиење.

-За пиење, за подготовка на храна и за одржување на лична хигиена, да се користи само пакувана вода или вода за пиење од цистерни која ја доставуваат јавните водоснабдителни претпријатија.

– Резервите вода наменети за употреба задолжително да се превријат најмалку 15 минути.

-Водата да се хлорира на соодветен начин, или од страна на стручно лице.

-Заматената вода да не се користи за пиење и за готвење, се до потврда на нејзината безбедност со лабораториска анализа.

-Ако водоснабдувањето се врши од индивидуални водоводида се изврши превентивна дезинфекција на водата.

-По контакт со водата од поплавата или со предметите кои биле поплавени, задолжително измијте ги и дезинфицирајте ги рацете.

-Заштитете ја готовата храна да не дојде во контакт со водата од поплавата или со отпадните води.

-Храната која била во контакт со водата од поплаватада не се користи за исхрана, туку да се фрли.Да се дезинфицираат сите работни површини, приборот за готвење и јадење.

-Храната да се подготвува со безбедна вода, задолжително термички да се обработи на температура повисока од 70 степени Целзиусови.

-Овошјето и зеленчукот кое обично се користи сирово, дополнително да се измие во млака вода, да се исчисти, повторно да се измие и термички да се обработи.

-Малите деца да се хранат со индустриски подготвена храна.

-Животните да се префрлат на безбедна локација и да им се обезбеди храна, вода и засолниште.

-Ако се држат врзани, треба и да се отворат вратите од боксовите и шталите за да можат животните да побегнат.

-Животните да не се хранат со храна која била поплавена.

-Храната треба да се складира и префрли на безбедно и суво место,  по можност да се складира и свежа вода во херметички затворени резервоари, цистерни,    буриња).

-Животните треба да бидат обележани, а ако не се сопственикот може привремено да ги обележи, за да можат да се идентификуваат во случај да се изгубат.

-Фармскиот регистер и податоците за животните да се складираат на безбедно    и суво    место.

-Доколку нема свежа и безбедна вода, на животните може да им се даде да пијат дождовница. На животните не треба да им се дава да пијат од поплавената вода.

-Потребни дневни количини вода за животните: за говеда 30-50 литри, коњи 20-45 литри, свињи 4-12 литри, овци и кози 6 литри, живина 0.5 литри.

-Одгледувачите на животни да бидат во контакт со надлежниот ветеринар за давање совети, инструкции, а по потреба и за давање на ветеринарно медицинска грижа.

-По поплавата, прво треба механички да се исчисти надојдениот отпад, да се изврши дезинфекција и дезинсекција.

-Животните треба да се вратат во фармите кога објектите се безбедни, чисти и суви,  по консултација и дозвола од надлежен ветеринар кој треба да ја провери нивната  здравствената состојба.

-Доколку се најде мртво животно, треба да му се запише бројот на ушната маркица или идентификационата ознака.

-Лешевите од животните треба нештетно да се отстранат по претходна консултација со надлежните лица.

-Животните кои не се во добра здравствена состојба, кои патат и страдаат, во консултација со надлежен ветеринар треба да се убијат на хуман начин.

{loadposition content9}