Потрошувачката кошница нереален показател за куповната моќ

Само на Македонците и на Словенците им останувале вишок пари откако ќе ги задоволат основните месечни потреби. Дали е навистина така? Експертите и граѓаните велат не.

Додека кај нас под елементарни производи за живот се вбројуваат храната и пијалоците, во Словенија и другите земји од регионот во месечната потрошувачка кошничка се вбројуваат и трошоците за хигиена, облека, домување, образование и култура.

Аналитичарите велат- се додека официјалната статистика не ја воведе најавената нова методологија по европски стандарди, ќе немаме податоци за реалната куповна моќ на граѓаните.

” Граѓаните трошат дури 70% од платата на храна и пијалоци, а каде се останатите категории? Ако се вклучат и тие просечната потрошувачка кошничка ќе изнесува околу 500 евра или 30 илјади денари ” Славе Ристески – професор

Нутриционистите сметаат дека потрошувачката кошничка дури ни како што е сега скроена не ги отсликува вистинските потреби за храна и пијалоци на граѓаните. Наведените продукти биле доволни само за еден член на семејството, количината што месечно ја консумираат четири лица била многу поголема.
{loadposition content9}