Плата можат да земат над 100 илјади работници

Управата за јавни приходи (УЈП), која работеше и во текот на викендот, обработила околу 25 илјади пресметки за плата според новиот систем „цела плата“, што значи дека денеска плата можат да земат над 100 илјади работници.

Рокот за поднесување на пресметките за плата во УЈП истекува во вторник, а краен рок за исплата на јануарската плата е 15 февруари.

Во Македонија има регистрирано над 60 илјади фирми со вкупно 619 илјади вработени.

Новововедениот систем за пресметка на платите предизвика хаос во платниот промет во Македонија. Системот за пресметка на УЈП во неколку наврати ги покажа своите недостатоци и предизвика доцнење на платите на илјадници вработени.

{loadposition content9}