Орден за заслуги за Македонија за ансамблот Танец

Орден за заслуги за Македонија денеска во Скопје ќе му биде врачен на Ансамблот за народни игри и песни на Македонија Танец од страна на претседателот Бранко Црвенковски.

Орденот Танец го добива за особени заслуги во зачувувањето и негувањето на македонското фолклорно творештво и долгогодишно успешно презентирање на уметничките вредности на народните игри и песни во земјата и светот, со што даде исклучителен придонес за афирмација на македонското културно наследство.

Претседателот Црвенковски со Медал за заслуги за Македонија го одликува женското друштво Животна искра за исклучителен придонес во областа на превенцијата и заштитата од малигни заболувања, особено за организирање и спроведување на активности за унапредување на здравјето кај жените и подигнување на свеста за навремено откривање и современ третман на карциномот на дојката.

{loadposition content9}