Во Охрид состанок на првите луѓе на полициите на земјите од регионот

Првите луѓе на полициите на земјите од регионот денеска во Охрид ќе го започнат  тридневниот работен состанок чија цел е продлабочување на меѓународната соработка во справувањето со недозволената трговија со дрога и со луѓе, како и за размената на информации и искуства во борбата против тероризмот.

На регионалниот состанок чиј домаќин е македонското МВР, односно директорот на Бирото за јавна безбедност, генерал Љупчо Тодоровски, поканети се директорите на полициите на Албанија, Бугарија, Косово, Црна Гора, Босна и Херцеговина, Хрватска и на Словенија.

Како што информира МВР, Тодоровски на собирот ќе предложи полицискиот центар за обука во Идризово да им биде ставен на располагање и на останатите полиции во регионот со што би прераснел во регионален центар.