Од утре вечер на сила полициски час

Владата донесе одлука за воведување полициски час од утре вечер како најрестриктивна мерка за спречување на ширењето на корона вирусот. Ова на вечерашната прес конференција го кажа техничкиот премиер Оливер Спасовски.

„Вечерва на седница на Владата на Република Северна Македонија, донесовме одлука за воведување најрадикални мерки , со цел да го заштитиме здравјето на граѓаните од корона вирусот, напиша премиерот Спасовски. Од утре започнуваме со ограничување на движењето на сите граѓани (полициски час). Се забранува движење на населението во периодот од 21 до 06 часот секој ден! Нема компромис кога е здравјето на граѓаните во прашање, мерките мораме сите да ги почитуваме, само така ќе си ги спасиме народот и државата“, порача Спасовски.