Министерот за надворешни работи на Словачка во официјална посета на Македонија

Министерот за надворешни работи на Словачка Мирослав Лајчак денеска ќе допатува во официјална посета на Македонија, на покана шефот на дипломатијата Антонио Милошоски.

Според Елена Димчова од одделението за односи со јавноста на Министерството за надворешни работи, посетата на Лајчак ќе биде одбележана со подигнување на нивото на досегашната Канцеларија за врски на Словачка во амбасада.

„Ова ќе биде 28-ма резидентна амбасада во Македонија“, рече Димчова.

Министрите Лајчак и Милошоски во Скопје треба да потпишат договор меѓу Словачка и Македонија за заштита на инвестициите.

Владата на Словачка финансира проекти во Македонија преку Развојниот фонд и има намера да финансира заеднички проекти на словачки и македонски бизнисмени, што би поттикнало поблиска соработка на економски план.

Словачка како членка на Европската унија и на НАТО ја поддржува Македонија во настојувањата за зачленување во унијата и приемот во Алијансата.

{loadposition content9}