Македонија на заседанието на EGMONT

Тричлена делегација на Управата за спречување на перење пари и финансирање на тероризам денеска заминува во Катар каде ќе учествува на пленарното заседание на EGMONT.

На заседанието на EGMONT (тело што ги обединува единиците за финансиско разузнавање од целиот свет) во Доха, македонската делегација ќе ја предводи директорот на Управата за спречување на перење пари, Ване Цветанов.

Од Управата најавуваат дека на заседанието на EGMONT ќе биде поставен на дневен ред проблемот со одбивањето на Грција да соработува со Македонија на полето на борбата против перењето на пари.

„Грција со ваквиот однос се става во улога на заштитник на криминалот. Оваа земја треба сама да реши дали ќе остане перална на пари или ќе ги почитува меѓународните норми кои и самата ги има потпишано“, изјави пред заминувањето во Доха директорот Ване Цветанов.

{loadposition content9}