Манчевски на светска конференција на сценаристи во Атина

Најуспешниот македонски филмски автор Милчо Манчевски ќе учествува на првата Светска конференција на сценаристи, што ќе се одржи во петок и сабота во Атина, Грција.

Конференцијата се смета за историски настан затоа што за прв пат на едно место се собираат членовите на здруженијата од Европската федерација на сценаристи (која е организатор на настанот) и на Меѓународната асоцијација на писателски здруженија.

Според најавите, на конференцијата ќе учествуваат над 200 автори и претставници на над 20 илјади сценаристи од целиот свет.

Манчевски на конференцијата ќе има и свое излагање на панелот со тема “Дали пропадна независниот начин на филмска продукција”.

Тема на конференцијата е наоѓање соодветен одговор на сценаристите и авторите кон дигиталната револуција во филмската продукција и на влијанието на мултинационалните конгломерати.

{loadposition content9}