Ако немаат леб нека јадат колачи!

Додека некои мелничари најавуваат ново поскапување на лебот за два-три денари, Владата со намалени царини за увоз на бел шеќер од 30 на 5% ќе се обиде да ги поевтини дел од прехранбените производи.

Лебот повторно ќе поскапи за уште два до три денари, најавуваат дел од мелничарите. Најавите за новата цена доаѓаат по само една недела откако овој производ поскапе три денари, со што сега една векна се продава по просечна цена од 23 до 26 денари.

Освен лебот, за два-три денари повторно ќе поскапи и маслото за јадење. Литар зејтин во моментов се продава за 88 денари, но според производителите, оваа цена нема да се задржи уште долго. Според прогнозите на производителите, воопшто не е исклучена можноста до пролет повторно да ја достигне рекордната цена од 100 денари.

{loadposition content9}