Како да се реши проблемот со побарувачката на лични карти

Министерката за внатрешни работи Гордана Јанкулоска денеска треба да ги посети управните служби при СВР Скопје, за да се информира за текот на процесот на замена на старите лични карти со нови.

– На средбата со раководството ќе се разговара околу можните решенија со кои максимално би им се излегло во пресрет на граѓаните чиј интерес енормно порасна со доближувањето на крајниот рок за замена на личните карти, соопшти МВР.

Крајниот рок до кој секој македонски граѓанин треба да ја има новата лична карта е 27 февруари идната година, за непочитување на рокот граѓаните се соочуваат со казна од 9.000 денари. Граѓаните за да извадат нова лична карта треба да се јават на бесплатен телефонски број во МВР, од каде им закажуваат термин.

{loadposition content9}