Ќе има ли штрајк на матичните лекари?

Лекарите на маса пред Тодоров се очекува да изнесат цел список барања за подобри услови и повисоки плати во примарното здравство.
Тие бараат фиксни плати од 40.000 илјади денари за лекар и 20.000 денари за медицинска сестра, зголемување на надоместокот (капитацијата) по пациент, како и воведување на партиципација, и решавање на суштинските проблеми со префрлањето на пациентите кога еден од двајцата лекари ќе ја напушти ординацијата.

Велат дека исплатата на К-15 што им се стави како законска обврска, а дополнително ја оптоварува финансиската состојба на ординациите. Зголемени трошоци имале и за други инвестиции поврзани со реформите во здравството.

Заради овие причини матичните лекари најпрвин закажаа штрајк за в петок, но по најавата дека Тодоров ќе ги прими на средба решија конечната одлука да ја стават во мирување.

{loadposition content9}