Во денешното соопштение, Фондот апелира до невработените да се пререгистрираат во подрачните единици. Пререгистрацијата се врши со потпишување изјава за остварени приходи и презаверка на здравствените легитимации и со потполнување на барање за издавање електронска здравствена картичка.
– Иако ФЗОМ ги повика сите невработени два месеци пред стапувањето во сила на Законот за социјални придонеси и Законот за здравствено осигурување, а со цел обезбедување континиутет на здравствено осигурување кај невработените лица, мораме да констатираме дека одѕивот на невработените лице е многу слаб. Точно еден месец од започнувањето на пререгистрацијата само 20.073 лица, од вкупно 247.774 лица носители на здравствено осигурување, односно само 8,1 отсто извршиле пререгистрација – пишува во соопштението на Фондот.
Најмал процент на пререгистрација има во Тетово 2,2 отсто, Кавадарци 3, Струга 5, Прилеп 5,6, Кичево 5,8, Берово 6,4, Делчево 6,8, Крива Паланка 7,2 и Охрид 7,5, отсто.
Потребните документи за пререгистрација се на шалтерите на ФЗОМ и на веб страницата на фондот www.fzo.org.mk. За сите информации граѓаните може да се обратат во Фондот на инфо линијата 080033222 и мејлот info@fzo.org.mk.
{loadposition content9}
Ти Си Твојот Град
Ти Си Твојот Град