Од денес парното со нови, поефтини цени

Парното од денеска поевтинува за 14,24 проценти за граѓаните во Скопје што се снабдуваат од Балкан енерџи груп од топлана „Исток“ и за 13,45 за граѓаните што се греат на топланата „Север“.

Регулаторната комисија за енергетика одлуката за намалување на цената ја донесе на последната седница по намалувањето на цената на природниот гас кој учествува со 70 отсто во производството на топлинска енергија.

Според новиот правилник, цената на топлинската енергија може да се менува на месечно ниво во интервал од плус-минус 5 отсто. Досега тоа можеше да се прави само двапати годишно, во декември и во јуни.

{loadposition content9}