Од денес нема сечење ленти, фрлање камен темелници и други јавни настапи

Според новиот Изборен законик и закажаните термини за претседателските избори од денеска па се до 27 април Владата на Република Македонија не смее да исплаќа субвенции, освен се разбира редовните месечни исплати, не смее да одржува јавни настапи при започнување на изградба или пуштање во употреба на објекти финансирани од буџетот, од јавни фондови или од пари на јавни претпријатија.

Според Билјана Бошковска, заменик министерката за правда изборните правила не им забрануваат на функционерите да се појавуваат во медиумите.

„Под забрана за одржување на јавни настани не се подразбира давање на јавна изјава на носител на јавна функција или кандидат за носител на јавна функција на митинг, интервју на медиум, дебата на медиум или одговор на новинарско прашање“, вели Бошковска.

{loadposition content9}