Делегација на АРМ во посета на Србија

Висока воена делегација на АРМ, предводена од началникот на Генералштабот генерал-потполковник Мирослав Стојановски, ќе претстојува во официјална работна посета на вооружените сили на Република Србија.Главни теми на разговорите ќе бидат воено-безбедносната ситуација во регионот, реформите во одбраната, унапредувањето на билатерално-воената соработка преку учество на заеднички воени вежби и размена на искуства.

Делегацијата на АРМ, како што соопшти Министерството за одбрана, ќе го посети Центарот за обука на АБХО (атомско биолошко и хемиско оружје) во Крушевац.