Британски инвеститори заинтересирани за Македонија

Британската бизнис групација (ББГ) во Македонија денеска ги поздрави законските измени кои и на странските државјани им овозможуваат да купуваат земјиште и друг недвижен имот во државата.
 
Претседателот на ББГ Реј Пауер истакнувајќи дека овие измени ќе го зголемат бројот на инвеститори во Македонија, посочи дека тие меѓу другото, се резултат и на лобирање на нивната групација.
 
Претставникот на инвестиционата банка од Лондон Колин Колино, кој присуствуваше на денешната редовна седница на ББГ, оцени дека „во овие турболентни времиња британските инвеститори се одлучуваат да инвестираат во земји во развој каде што спаѓа и Македонија.
 
Колино информираше дека британските инвеститори се сериозно заинтересирани за влез во Македонија во лесната индустрија и во недвижностите.