11 години од потпишувањето на Охридскиот рамковен договор

Рамковниот договор, на 13 август 2001 година, по повеќедневни проеговори во Охрид, беше потпишан во Скопје од тогашниот претседател на државата Борис Трајковски, тогашниот премиер и лидер на ВМРО-ДПМНЕ Љубчо Георгиевски и лидерите на СДСМ Бранко Црвенковски, на ДПА Арбен Џафери и на ПДП Имер Имери. Во својство на гаранти, документот го потпишаа и специјалните претставници на ЕУ и на САД, Франсоа Леотар и Џејмс Пердју. Со договорот беше поставена рамка за унапредувања на правата на етничките заедници во Македонија, за унапредување на меѓуетничкиот соживот и за евроатланската перспектива на земјата.

Повеќе од 140 закони, законски измени и дополнувања се донесени во изминатите 10 години од имплементацијата на Охридскиот рамковен договор, од кои најголем дел – 59 се закони за недискриминација и правична застапеност, 40 се во сферата на идентитетoт, културата, образованието и децентрализацијата на власта.Годишнината ќе биде одбележана со свеченост во организација на Секретаријатот за спроведување на Охридскиот рамковен договор. На неа се поканети државниот врв, преставници на дипломатскиот кор, политичките партии и други гости.

{loadposition content9}