Фестивалот на холански филм продолжува

Долгометражниот филм „Сина птица“ и краткиот филм „Патување низ ноќта“ ќе бидат прикажани вечерва во Охрид во рамки на холандскиот филмски фестивал „Високи достигнувања од ниската земја“.

„Сина птица“ е филм во режија на Мијке де Јонг. Филмот е добитник на многу награди дома, но исто така беше номиниран како холандски претставник за Оксар во 2006 година и селектиран за престижните филмски фестивали во Торонто, Монтреал и добитник е на Стаклена мечка на Берлинскиот филмски фестивал.

В недела, последниот ден од холандскиот филмски фестивал, во дворното место пред дирекцијата на „Охридско Лето“ во Охрид, ќе бидат прикажани долгометражниот филм „Симон“и краткиот филм „Успех“.

Проекцијата на филмовите е бесплатна. Филмската програма „Високи достигнувања од ниската земја“ е во организација на Промо центарот Јавна соба од Скопје, а поддржана од Охридско лето, Центарот за култура Глигор Прличев од Охрид, Министерството за култура, Холанд Филм и Cultural Aid.

{loadposition content9}