Oбвинител и истражител од Бугарија ќе ги преземат материјалите за истрагата за автобуската несреќа

Заменикот окружен јавен обвинител на Окружното јавно обвинителство Перник Бисер Јорданов Михајлов и истражителот во Националната истражна служба на Република Бугарија Младен Христов Петров денеска од јавниот обвинител на Република Македонија, Љубомир Јовески ќе ги преземат материјалите поврзани со истрагата и со идентификацијата на жртвите во тешката автобуска несреќа во Бугарија.

Преземањето на материјалите, како што соопшти ЈО, ќе биде во просториите на Јавното обвинителство на Република Македонија.