Собранието го донесе законот за дополнително финансирање за автопатот Кичево-Охрид

Собранието на Република Северна Македонија со 68 гласа „за” денеска го изгласа Предлог-законот за гаранција на РСМ на обврските по договорот за заем за дополнително финансирање за проектот за изградба на автопат – делница Кичево – Охрид што ќе се склучи меѓу Експорт-импорт банката на Кина и Јавното претпријатија за државни патишта што се носи по скратена постапка.

Законот предвидува склучување на трет анекс на Договорот за дополнително финансирање на изградбата на автопатот Кичево – Охрид во висина од 179 милиони долари.

Собраниската 116. седница продолжи со измените и дополнувањата на Законот за земјоделство и рурален развој, по скратена постапка, за што дебата ќе биде отворена по паузата од еден час.