Државниот врв подготвува стратегија за спорот со името

Македонскиот државен врв денеска ќе одржи прва консултативна средба за преговорите за спорот со името што Македонија и Грција го водат под покровителство на Обединетите нации.

Претседателот Ѓорге Иванов, премиерот Никола Груевски, македонскиот преговарач во спорот амбасадорот Зоран Јолевски и министерот за надворешни работи Антонио Милошоски состанокот ќе го одржат во новиот Кабинет на Иванов, во вилата „Анекс“ на Водно.

Преговорите кои ги води посредникот Метју Нимиц веќе подолг период се во мирување. Се очекува средбите да се активираат по јунските избори за европскиот парламент во Грција.

По последните средби на државниот врв во Брисел, како и по најновите иницијативи од страна на САД, станува извесно дека меѓународната заедница сака што поскоро да го затвори прашањето за името.

{loadposition content9}