Вук Јеремиќ во посета на Македонија

Министерот за надворешни работи на Србија Вук Јеремиќ денеска ќе претстојува во еднодневна посета на Македонија.

Јеремиќ ќе се сретне со шефот на македонската дипломатија Антонио Милошоски, а ќе биде примен и од претседателот Бранко Црвенковски, од премиерот Никола Груевски и од претседателот на Собранието Трајко Вељаноски.

Милошоски и Јеремиќ, како што е најавено, ќе потпишат Протокол за соработка во областа на дипломатската едукација. Двајцата министри ќе ги разгледаат и можностите за отворање нови гранични премини меѓу Македонија и Србија.

Посетата на шефот на српската дипломатија се оценува како чекор кон целосно обновување на дипломатските односи меѓу двете држави, кои беа нарушени во октомври лани по одлуката на Македонија да ја признае независноста на Косово и протерувањето на тогашниот македонски амбасадор во Белград Александар Василевски.

За продолжувањето на добрите билатерални односи говори и именувањето на новиот амбасадор на Република Македонија во Србија, Љубиша Георгивски, кој се очекува да ја преземе должноста до крајот на овој месец.

{loadposition content9}