Македонија во Брисел ќе ја представи својата предпристапна економска програма

Претпристапната економска програма на Македонија ќе биде претставена денеска во Брисел пред Комитетот на министри за економија и финансии на Европската унија.

Програмата ќе ја претстават македонскиот министер за финансии Трајко Славески и гувернерот Петар Гошев.

Како што е појаснето од министерството за финансии, станува збор за редовна практика на земјите со кандидатски статус, а Македонија веќе трета година по ред прави ваква презентација.

Покрај Македонија, денеска во Брисел своите економски програми ќе ги претстават и останатите две земји кандидатки за влез во ЕУ, Турција и Хрватска. 

{loadposition content9}