Завршува посетата на тимот на НАТО

Извештај за постигнатиот напредок во Македонија што ќе биде презентирана пред членките на НАТО, ќе подготви делегацијата на Алијансата, која денеска ја завршува посетата на земјава.

Проширениот тим на НАТО за проценка на имплементацијата на Акциониот план за членство (МАП), е предводен од заменикот Генералниот Секретар на Алијансата за безбедносна соработка и партнерство Роберт Симонс, кој претпладнево ќе има средба со шефот на дипломатијата Антонио Милошоски.

Тимот на НАТО од понеделникот е во Македонија во проценка на имплементација на Акциониот план и активностите предвидени во Годишната национална програма на Македонија за членство во НАТО

Македонија ги исполнува сите критериуми за членство во Алијансата и преостанува да се реши спорот за името со Грција, рече вчера во Брисел генералниот секретар на НАТО Јап де Хоп Шефер по средбата со македонскиот претседател Бранко Црвенковски.

{loadposition content9}