Министерот Ивановски во работна посета на Србија

Министерот за информатичко општество на Република Македонија Иво Ивановски денеска ќе престојува во работна посета на Република Србија.

Како што соопшти владината прес-служба, Ивановски во Белград ќе се сретне со министерот за телекомуникации и информатичко општество Јасна Матиќ, со министерот за државна управа и локална самоуправа Милан Марковиќ и со директорот на Заводот за информатика и интернет Дамир Баралиќ.

Целта на овие средби е продлабочување и зајакнување на меѓусебните односи и размена на искуствата на Република Македонија и Република Србија во развојот на информатичкото општество.

{loadposition content9}