Министерот Славески на 14. Форум на „Euromoney“

Делегација на Министерството за финансии, предводена од министерот Трајко Славески, во Виена учествува на 14. Форум на Централна и Источна Европа, водечки настан во областа на инвестициите што го организира „Euromoney“.

Нa собирот на околу илјада делегати учествуваат и еминентни имиња од политиката, бизнисот и финансиите. Меѓу говорниците на годинашниот  форум е и министерот Славески, кој своето излагање го имаше на првата сесија, по отварањето на Форумот на министерскиот панел, каде што дискусиите се фокусирани на повеќе теми од областа на финансиите, банкарството и инвестициите.

За време на форумот, Славески ќе се сретне со директорот на Форумот Мартин Борн, со претставници на кредитната рејтинг агенција Мудис (Moody’s) и на инвестициската банка Мерил Линч (Merill Lynch).

{loadposition content9}