Во Охрид се садат бадемови дрвца

Во рамки на проектот за уредување на нови 40 зелени катчиња кои секојдневно никнуваат и го красат нашиот град, Јавното претпријатие „Охридски Комуналец“ и приватната компанија „Левидиа“, кај „Горна порта“, организираа акција за засадување на бадемови дрвца.

Акцијата е подржана од Локалната самоуправа,а првите дрвца ги засадија градоначалникот Никола Бакрачески, секретарот Димитар Спасески, пратеникот Александар Николоски, директорката на ЈП „Охридски Комуналец“ Елена Скрческа и претсавничката на компанијата „Левидиа“ Јасмина Луканова.

Досега се засадени 30, а во наредните денови ќе се засадат 150 бадемови дрвца во месноста „Лабино“, „Канео“ и на други локации низ стариот дел на градот. Инаку дрвцата бадеми се донација од турската компанија „Левида“, а засадувањето на дрвцата ќе трае во текот на целата 2014 година. Ваквата акција ќе продолжи и наредната година, со засадување цреши. Акцијата е дел од големиот проек за разубавување и зачувување на автентичноста на стариот дел од градот.

{loadposition content9}