„Декларацијата за независност“ достапна за сите, сегашните и идните поколенија

Свечено предадена од претседателот  на Собранието Трајко Вељаноски, почесната гарда на Армијата на Република Македонија  ја однесе Декларацијата за независноста во музејот на Македонската борба за државност и самостојност.

Преку портата „Македонија“, минувајќи низ плоштадот и Камениот мост, Декларацијата пристигна онаму каде што заслужува да биде, во музејот, јавно достапна за сите граѓани на Република Македонија.

По пристигнувањето во музејот на македонската борба за државност и самостојност, претседателот на Република Македонија, Ѓорге Иванов ја постави Декларацијата за независност во централниот дел на музејот.

Иванов истакна дека Музејот ги осветлува сите скриени катчиња и периоди од нашата историја.

-Историјата била и останала вистина. Тоа што се случило останува вистина. Неможе други да си ја препишуваат и да ја искривуваат историјата, нагласи македонскиот претседател.

По дваесет години чувана во Државниот архив зад затворени врати и далеку од очите на граѓаните, сега овој значаен документ за нашата татковина е јавно достапен за сите.

Сегашните и идните поколенија ќе знаат, бидејќи ќе може да видат.

{loadposition content9}