Македонско-австриска соработка во здравството

Станува збор за спогодба за надоместување на трошоците преку паушални плаќања на здравствените корисници на Македонија и Австрија.

Дополнителна Спогодба за надоместување на трошоците преку паушални плаќања на здравствените корисници на Македонија и Австрија, денеска во Скопје ќе потпишат министерот за здравство Бујар Османи и австрискиот амбасадор Алоис Краут.

Со дополнителната спогодба поконкретно се уредува осигурувањето на здравствената заштита на осигурените лица и членовите на семејството на активните осигуреници, кои не живеат заедно со осигуреникот во државата каде тој работи, соопшти Министерството за здравство.

Македонско-австриската конвенција за социјално осигурување се применува од април 2008 година, а спогодбата за надоместување на трошоците преку паушални плаќања се применува од јуни 2002 година.