Втор испитен термин од државната матура

Вториот ден од полагањето во вториот испитен термин од државната матура се одржува денеска во училиштата низ Македонија.

Матурантите денеска ќе полагаат математика или странски јазик. За предметот математика пријавени се вкупно 730 матуранти, додека за англиски, француски, германски и руски јазик, пријавени се 1.294 ученици

Учениците во четвртокот го полагаа предметот мајчин јазик. Министерството за образование и наука соопшти дека од пријавените 837 ученици, македонски јазик полагаа 411, албански јазик полагале 414 матуранти, а 12 ученици полагаа турски јазик.

Државната матура ја организира и спроведува Државниот испитен центар во соработка со училиштата, надворешни соработници, Бирото за развој на образованието, Министерството за образование и наука, Државниот просветен инспекторат и Центарот за стручно образование и обука.

{loadposition content9}