Главната награда на американското лото достигна 1,5 милијарди долари

Добитната комбинација на броеви 5+1 никој не ја погодил повеќе од два месеци

 |  инфодеск  | 

Главната награда на лотаријата Powerball и во вторникот продолжи да се зголемува и моментално е поголема од 1,5 милијарди долари и износот предизвика незапамтена еуфорија во САД.

Добитната комбинација на броеви 5+1 никој не ја погодил веќе два месеци, иако извлекувањата се одржуваат два пати неделно, среда и сабота. Износот на џек-потот уште минатата недела го собори рекордот со искачување на 950 милиони долари.

Иако можноста за добивка е многу мала, 1:292 милиони, веќе со денови трае опсадата на уплатните места, а неретко се создаваат непрегледни редици каде можат да се сретнат и Мексиканци и Канаѓани кои дошле само да ја уплатат својата лото комбинација.

Спрема стандардната методологија на американската лотарија, победникот, во случај да побара еднократна исплата, ќе добие 930 милиони долари, а полниот износ ќе го прими ако се одлучи за исплата на рати во следните 29 години.

Со Вашата регистрација, неделно ќе добивате е-порака со најважните информации од регионот.


© All rights reserved. Powered by YOOtheme.
Back to Top