Лацковиќ доаѓа во Вардар?

Реномираниот медиум специјализиран за ракомет, Balkan Handball денес објави дека македонскиот ракометен шампион, Вардар преговара со хрватскиот репрезентативец, Блаженко Лацковиќ.

34-годишниот по 10 години поминати во Бундеслигата е во преговори да се пресели во Македонија, во редовите на Вардар. Од клубот не сакаа да ја демантираат или да ја потврдат оваа информација, но ако тврдењето на Balkan Handball е точно, Вардар ќе се засили со искусен ракометар.

Лачковиќ беше дел од прославената селеција на Хрватска која освои злато на ЛОИ во Атина, а на последната Олимпијада во Лондон освои бронзен медал.

Според Balkan Handball, на Лацковиќ му истекува договорот со Хамбург ова лето, а покрај Вардар заинтерирани за услугите на Лацковиќ биле и од унгарскиот Пик Сегед.

{loadposition content9}