Бекам е емотивен пред претстојниот дуел од ЛШ

Дејвид Бекам им порачал на навивачите на Манчестер Јунајтед дека нема да се радува на “Олд Трафорд” во случај на победа на Милан во претстојниот дуел од Лигата на Шампионите.

“Некогаш не можеш против емоциите кога ќе постигнеш гол, но мислам дека нема да се радувам. Ги почитувам и навивачите и клубот.” – изјавил Бекам.

Англискиот репрезентативец по неколку години пауза на 10 март се враќа на Театарот на соништата и од ждрепката за ЛШ ја користи секоја можност да истакне колку ги сака “ѓаволите”.

“Јунајтед е клуб за кој секогаш сакав да играм, го обожувам секој момент минат таму. По заминувањето, на почетокот, ми беше тешко и многу работи ми недостасуваа.” – додал Бекам.

Бекс истакнал и дека навивачите на Јунајтед секогаш ќе имаат посебно место во неговото срце.

“Односот со нив ми е многу важен. Минав низ тешки моменти, но тие никогаш не престанаа да ми даваат поддршка. Не би успеал да не беа тие. Тие се најдобри на светот.” – завршил Бекам.

Оваа вест е преземена од: http://www.sitel.com.mk

{loadposition content9}