Група белгиски истражувачи ги оправдаа мажите кои цвилат кога се болни. Велат, жените сепак биле направени од поотпорен материјал.
Жените имаат подобар имунитет благодарение на вториот X хромозом, во кој се кодирани молекули наречени микро РНК. Станува збор за генетски роднини на ДНК-та, кои важат за главни регулатори на имунолошкиот систем.
Заради поголемиот пристап на овие молекули, жените се поотпорни на инфекции, па дури и на рак. Мажите пак, се во загуба, затоа што имаат само еден Х хромозом, што е доказ дека не џабе се жалат толку кога се болни.
“Статистиките одамна покажаа дека кај луѓето, како и кај сите останати цицачи, жените живеат подолго од мажите и се поспособни во справувањето со шок епизоди, како сепса, инфекција или траума. Сметаме дека тоа се должи на Х хромозомот кој кај луѓето содржи 10% повеќе од сите микро РНК досега откриени во генетскиот код”, објаснил лидерот на студијата др. Клод Либерт од универзитетот Гент во Белгија.
Микро РНК-та може да ги сузбие протеините кои го поттикнуваат развојот на карцином и да ги натера да го направат спротивното.
Од биолошка гледна точка, таа разлика има еволутивна позадина, бидејќи жените морале да го осигураат опстанокот на видот, што особено е изразено во битката против инфекциите кога се трудни или дојат.
{loadposition content9}
Ти Си Твојот Град
Ти Си Твојот Град