Славниот актер добил нешто послатко од Оскар

Освен Оскар, Метју МекКонахи добил уште нешто што му изнудило насмевка на лицето.

Тој го освои Оскарот за најдобар актер во филмот „Dallas Buyers Club”, а неговиот говор бил полн со благодарност и многу емотивен.

МекКонахи бил по прв пат номиниран за наградата Оскар, а само една номинација била доволна за да се врати дома со статуетка.

Во својот говор актерот првенствено се заблагодарил на Бога и фамилијата при што се потсетил на својот починат татко Џејмс.

“Сакам да му заблагодарам на својот татко кој сега е најверојатно на небото по гаќи и со пиво в рака. Ова е за тебе тато, затоа што ме научи како да станам маж“, рекол славниот актер во својот емотивен говор.

Емотивниот говор го завршил со својата позната фраза : „All right, all right, all right”.

Но, златната статуетка не е единственото што го воодушевила актерот. Освен Оскарот тој добил и долг бакнеж од својата сакана сопруга Камил Алвес. А на сопругата и на синовите им пратил посебна благодарност.

“Вие сте четворицата на кои им посакувам да сте најгорди на мене. Ви благодарам“, се заблагодарил актерот.