OHRID CALLING 2019

Течат последните подготовки за најголемиот музички настан ова лето во Македонија, „Охрид колинг“, четири фестивалски вечери музика и забава со учество на 24 интернационални диџеи, меѓу кои и суперстар-диџеите Стив Ајоки, Фед ле Гранд, Нерво, Робин Шулц, Кунгс, Санери Џејмс и Рајан Марчијано, Вини Вики.

„Годинава сме на нова локација која е многу подобра од претходната и баш е фестивалска за овој настан. Подготовките течат во најдобар ред ќе имаме спектакуларна бина, многу светлосни ефекти, пиротехника и работиме со истата проверена екипа сите години наназад, „Sky Music“ од Белград. НАстапите ќе бидат пропратени со одличен звук и горди сме што фестивалот се смести на фестивалската мапа“ вели Ивана Нолчева – P.R. „Авалон Продукција“.

Организаторите додаваат дека низ годините фестивалот „Охрид Колинг“ предизвикува навистина масовно внимание кај публиката не само од земјава, од регионов туку и од целиот свет. Годинава според продажбата на билетите како и интересот и најавите се очекува да бидат присутни само за „Охрид Колинг“ рекордни 50.000 посетители за сите четири фестивалски дена, од кои околу 5000 странски посетители дневно.

„Посебвно мене ми е драго што сум дел од фестивалот уште од првото издание, низ годините наназад „Охрид Колинг“ е е еден од најперспективните и најголеми фестивали не само во македонија и на Балканот туку и во Европа. И ако го погледнете годинешниот lineup и го споредите со листата светски уметници на најголемиот фестивал „Tommorowland“ ќе видите дека ги има истите уметници што настапуваат на „Охрид Колинг““ вели DJ Галовски.

Галовски, кој моментално е еден од нашите најперспективни диџеи вели дека за него е посебна чест што може да настапи заедно со имиња Стив Ајоки, Фед ле Гранд, Нерво, Робин Шулц, Кунгс, Санери Џејмс и други. Се надева на одлично издание на фестивалот во година која многумина ја нарекуваат историска кога е во прашање електронската музика.

„Се надевам дека годинава ќе растуриме на „Охрид колинг и се надевам дека сите четири вечери ќе бидат одлични како што очекуваме, и со ваков lineup може да ни позавидат сите балкански земји и сите европски, и голема е честа да се настапува еден волкав фестивал и на толкава сцена.Не само што е најголем, во Македонија туку и на Балканот, и многу ни е каиф што чќе се најдеме рамо до рамо со вака големи имиња и се надевам дека ќе си поминеме суепр и дека сите ќе бидат задоволни“ велат браќата „Cyrillic“.

Годинешното издание на „Охрид колинг“ ќе се одржи во поранешната охридска касарна, оддалечен 15 минути пеш од центарот на градот, а три минути пеш од новата автобуска станица“. „Охрид колинг 2019“ ќе се одржува од 1 до 4 август, а поединечните и блок-влезниците можете да ги набавите преку продажната мрежа на „Авалон“ низ земјава, како и онлајн на avalon.mk.