Вевчани целосно исполнето со гости за празничниот викенд

Голем број граѓани од внатрешноста ќе одморат во прекрасната природа на Јанков Камен, манастирот Свети Спас,  Летничките езера и надалеку прочуените Вевчански извори.

 |   | 

За Велигденскиот и Првомајскиот продолжен викенд, кои одинава се совпаднаа  Вевчани наплив на туристи. Сите капацитети се  исполнети  со домашни гости. Најпосетени традиципонално  ќе бидат  излетничките места во  прекрасната планинска природа  Јанков Камен, манастирот Свети Спас,  Летничките езера и  магичните надалеку прочуените Вевчански извори.
Во живописната  природа на Јабланица  има пешачки и велосипедски патеки и голем број етно рестораните каде гостите уживаат во  традиционалната вкусна храна.

„Вевчани има идеални услови за социјална дистанца, за пешачење, добра природа и добри етно ресторани. Се` на се имаме одлични предизпозиции за ваков вид туризам.  „Има одлични патеки за пешачење,  одлично обележени, за монт бајк за различен вид на авантуристички туризам“, вели градоначалникот на Вевчани Сашо Јанкоски.

Вевчани размислува за зголемување на сместувачките капацитети, преку ИПА фондовите ќе се поттикнува локалното население да инвестира во преадаптација на старите автентични етно куќи во апартмани.

„Да го зголемиме капацитетот на легла во Вевчани, но тоа да не е од тип на еден хотел,  туку бенефит да осети  локланото население со мали капацитети еден вид Вевчани да биде глобален хотел“ , додава Јанкоски.

Над Вевчанските извори изградена  и првата Виа ферата во земјава, безбедна патека за алпинистичко искачување  на карпа со помагала. Тоа е новата туристичка приказна во Вевчани, која наскоро после набавката на опремата  ќе биде достапна за авантуристите.

Со Вашата регистрација, неделно ќе добивате е-порака со најважните информации од регионот.


© All rights reserved. Powered by YOOtheme.
Back to Top