Турските туристи кои доаѓаат на кружната Балканска тура забелележуваат на лошата патна инфраструктура во регионот

Туристите од Турција кои доаѓаат во Охрид и патуваат на балканската кружна тура упатуваат забелешки за лошата патна инфраструктура, кажува Сејфедин Куртиш, туроператор БТБ одТурција. Патната инфраструктура е голем недостаток туристите да уживаат подолго во убавината не само во Македонија туку генерално во регионот, вели Куртиш.

„ Од Скопје до Охрид доаѓаме за 3 часа.Тоа е голем проблем не може да уживаат во посета и разглед на градовите. Ова важи и за другите држави. Балканската тура повеќе поминува по патиштата. Замислете Охрид-Скопје да е сат и половина, 2 сати ќе имаме за да го доживеат Охрид. Затоа имаме 2 дена во Охрид ,а потоа Св.Наум, Ресен и Битола. Битола е важна за Турците заради училиштето на Ататурк во овој град, а СВ Наум е рај, фантастично место. Не можеме да ги извадиме гостите од таму молат да останат уште еден час“ напоменува Куртиш.

Покрај лошата патна инфраструктура, турските туристи забележуваат и на долгото чекање на царинските премини. Изгубеното време на царинските испостави и лошите патишта се голем хендикеп за Балканските тури, напоменува Куртиш. Покрај овие две заблешки туристите од Турција не добиваат услуги за резервации кои ги упатиле во хотелите со 3 и4 ѕвезди.

„ Секој ден хотелите одат на подбро. Но услугата е солидна додека во Турција е со висок стандард. Кога ние продаваме хотели со 3 или 4 ѕвезди тие го очекуваат стандардот во Турција. Но секој ден оди на подобро и треба да сме оптимисти“, напоменува Куртиш.

Годишно во регионот од турскиот пазар во градот и регионот престојуваат околу 50.000 туристи. Тие доаѓаат со авионска линија и со автобуски превоз.