Ќе се урива ресторанот и дискотеката „Парк“ и на негово место ќе се гради нов хотел

Според одобрението за градба од 2018, инвеститорот, градежната фирма „Ремис“, ќе гради хотелски комплекс од приземје три ката и поткровје на 4.525 метри квадратни. Градоначалникот Георгиевски вели дека инвеститорот има парвосилно одобрение за градба и Општината нема правен основ да интервенира ретроградно во одобрение кое предходело на Планот за управување со Охридскиот Регион.

 |  Соња Рилковска  | 

Ќе се гради хотел на местото на поранешниот ресторан и  дискотеката.   „Парк“  според урбанистичката планска документација од 2009 година на локацијата предвиден е хотелско угостителски капацитет, а правосилно   одобрение  за градба сопственикот  на  фирмата Ремис од Охрид  го добил во јули 2018 година.
Објектот ќе се гради на 40 % од  градежната парцела  со обем од 9 748 м2  согласно важечките законски прописи  П плус 3 ката плус потрковје.
„Правосилно одобрение за градба издадено во 2018 година, а Планот за управување е донесен во февруари 2020 година и не може да  постапуваме на правосилни одобренија кои што се издадени соогласно позитивните тогашни законски  прописи“, вели Георгиески.

Градоначалникот на Охрид,  Константин Георгиески тврди дека оддалеченоста на објектот е 50 метри од езерскиот брег.

„Тој потег согласно Планот за управување се наоѓа во трета Д зона таму каде што нема Урбанистички план дозволено е градба на 40% и приземје и три ката и согласно Планот за упрваување е . Е сега согласно ЛУПД има плус потрковје но ние немаме никаков правен основ да интеревенираме во одобрение на проект пред носење на Планот за управување“  , вели Константин  Георгиески градоначалник на Охрид.

Подготвителните работи за  изградбата на хотелскиот објект ги разлути екологистите и активистите, кои бурно реагираа на социјалните  мрежи.

-Со години сме сведоци на забрзана урбанизација и деградација на градот Охрид, како и уништување на крајбрежјето на Охридското Езеро од страна на локални шерифи, кои сметаат дека урбаните, природните и културните наследства се предмет за корупција и нивен личен профит, коментираат граѓаните.

Очекуваме притисок од јавноста, реакции, притисок од медиумите, да се истражи што навистина се случува. Дали некој е привилегиран, над законот, или важат за нив специјални услови, кои се во спротивност со наводните заложби на македонските институции за исполнување на препораките на UNESCO?, пишуваат екологистите од Охрид.

Со Вашата регистрација, неделно ќе добивате е-порака со најважните информации од регионот.


© All rights reserved. Powered by YOOtheme.
Back to Top