Иновативно претпријатие на годината

На 12-ти април, петок, во Хотел Лебед во Охрид ќе се одржи Информативен настан за избор на „Иновативно претпријатие на годината”.

Преку награден фонд од вкупно 600.000 денари, обезбеден со поддршка на Град Скопје, наградени ќе бидат 3 компании со 200.000 денари, средства кои компанијата ќе ги искористи за унапредување на конкурентноста на иновацијата и интернационализација на бизнисот.

Најдобрата компанија од секоја категорија ќе добие признание за успешност и ќе биде промовирана на првата манифестација „Иновативно претпријатие на годината“ која ќе се одржи на 29 мај во Скопје. Добиените средства компанијата ќе може да ги искористи за следниве цели: Заштита на интелектуалната сопственост на иновацијата, Посета на меѓународни саеми, конференции, настани и Купување опрема.