Медицинските екипи од Брза помош и понатаму се соочуваат со стари проблеми кои делуваат врз брзината на интервенциите. Се попречува влезот и излезот на возилата паркирани на бесплатниот паркинг во кругот на дворот. Екипите се судираат и со проблем при движењето на амбулантните возила низ охридските улици кога многу често возачите не им даваат предност.
Охридската итна медицинска помош се соочува со години со стари проблеми кои влијаат на брзината на интревенциите. Се попречува влезот и излезот на амбулантните возила во кругот на Маларична од паркирани автомобили на бесплатниот паркинг. Возачите кои го користат паркингот гледаат само да најдат место за да ги паркираат возилата, а при тоа не размислуваат дека ја попречуваат работата на медицинските екипи.
Овој паркинг го користат посебно туристите кои дознаа дека е бесплатен. Интервениравме неколку пати до сообраќајната полиција во изминатиов период, информира раководителката на службата, д-р Љупка Николоска.
Многу тешко влегуваме и излегуваме.На помош ни доаѓаат луѓето од сообраќајната полиција, но за жал не наоѓаме разбирање кај народот. Потребно ние во одреден момент без пречки да излеземе и да се вратиме во амбулантата – истакна Николоска.
Ваквата блокада на паркингот трае со години, а нискиот степен на сообраќајната култура на возачите се гледа и на охридските улици. Д-р Николоска напоменува дека нивните екипи се судираат многу често и со проблем на давање предност на амбулантните возила на улица.
Има секакви случаи некогаш возилата поминуваат без проблем некогаш имаме проблеми. Поготово сега кога е преполн градот со туристи – додава Николоска.
Брзината на интервенцијата на итната медицинска помош не ја попречуваат само несовесните возачи туку тоа го прават и пациентите. Многу од нив наместо да се јават кај своите матични лекари доаѓаат во амбулантата на Брза помош. Пациентите знаат дека тука ќе добијат лекарска помош и не размислуваат дека ја попречуваат службата која интервенира во итни случаи за спасување на човечки животи.
Ти Си Твојот Град
Ти Си Твојот Град