Македонско оро за Гинис

На крајот на овој месец ќе се игра најголемото македонско оро во светот на локација од Охрид до Струга.

Во него ќе учествуваат 18.000 лица, а ќе биде организирано од Националната установа “Танец” и Агенцијата за промоција и поддршка на туризмот, со што ќе се направи обид да се постави нов Гинисов рекорд во оваа категорија. Ова го најави Насер Хот, советник во Агенцијата за промоција и поддршка на туризмот, потенцирајќи дека со орото ќе се означи стартот на новата туристичка сезона во Македонија.

-Истовремено, ќе се одбележи и јубилејот 65 години од Националната установа “Танец” и илјада години од Самоиловата држава.

„Македонија има 1.780 села, 6.000 археолошки наоѓалишта, над 2.000 цркви и манастири, што претставува големо богатство на мала територија и развој на повеќе видови туризам. Ова може да се спакува во добар пакет-услуги и да им се понуди на странските туристи и тие да уживаат во нешто старо илјадници години“ – потенцира Хот и додава дека туристите обожаваат да ја вкусат и добрата македонска храна.

{loadposition content9}